Agron Tufa, në klubin letrar "Scriptum n Sonus"

Më datë 21 tetor nisi rrugëtimi i klubit letrar "Scriptum n Sonus", që do të bashkoj të gjithë ata që e duan librin. I pari i ftuar në ambjentet e qoshkut të librave "E përshtatshme" ishte profesor Agron Tufa. Romani për të cilin folëm ishte "Mërkuna e zezë" i shpallur si më i miri i vitit 2017.

Profesori hodhi dritë mbi kodet që lexuesi i ka të vështirë ti dekodifikojë duke e nisur rrëfimin që nga misticizmi. Më tej, Tufa na tregoi për shpirtëzimin e personazhit të quajtur Guri. Profesori ndau me të pranishmit eksperiencën e tij me trillet, që jo rrallë herë kanë pasur esenca të reales. Interes tek të rinjtë ngjalli orientimi për teknikat e të shkruarit, si dhe fjala që profesori u drejtoi të rinjve për të lexuar sa më shumë. Eventi përkonte me mbrëmjen letrare që tetë vite më parë e kishte gjetur së bashku me të shoqen Elvanën, në po të njëjtin ambjent duke folur për letërsinë.

Egla Xhemali